Фондацијата Ѓорѓи Марјановиќ ги поканува ученици од основните училишта да се пријават за учество третиот циклус на годишниот национален
НАТПРЕВАР ВО РАСКАЖУВАЊЕ 2025/26
за ученици од сите основни училишта во земјава во категории:
- Категорија 1 – ученици од 3 до 5-то одделение
- Категорија 2 – ученици од 6 до 9-то одделение
Учениците се натпреваруваат така што во текот на учебната година читаат книги, се снимаат додека ги раскажуваат пред мала публика и ни ги доставуваат снимките, за што добиваат по еден бод за секоја книга. На крајот од учебната година натпреварувачите ќе учествуваат на јавен настап пред стручна жири комисија.
Финалето на натпреварот ќе се одржи во јуни 2026 на правниот факултет Јустинијан Први во Скопје. За освоено 1, 2 и 3-место обезбедени се вредносни ваучери од голем број спонзори.
Секој учесник на натпреварот ќе добие две обуки:
- Курс Јавно говорење за деца, и
- еден курс по сопствен избор од DIY академијата Еверест.
Дополнително, со учествувањето на натпреварот, учесниците се квалификуваат за упис на Академијата за идни лидери Ѓорѓи Марјановиќ.
Натпреварот се организира врз основа на согласност од МОН донесена врз основа на позитивно мислење од БРО.
Пријавување: Пријавувањето на учениците го прават исклучиво родителите односно старателите, со пополнување на онлајн формулар поставен на овој линк, по претходно проучување на Правилата и условите на натпреварот. Пожелно е секој учесник да има свој ментор кој се грижи за неговата подготовка. Вообичаено тоа е наставник по македонски или раководител на литературна или драмска секција кој во овој случај има функција на училишен координатор.
Училишни координатори – вообичаено се наставници по македонски или оние кои водат литературна, драмска или библиотекарска секција. Тоа се можеби најважните луѓе за успехот на учениците бидејќи им помагаат не само во изборот на книгите, туку и им помагаат на учениците во увежбувањето на нивните јавни говори, снимање на нивните настапи и доставување на снимките.
Корисни линкови:
- Веб страна на натпреварот
- Правила и услови на натпреварот
- Фотографии и видео снимки од натпреварот од претходната учебна година
Пријавување училишни координатори
Ако сè уште не сте станале училишен координатор (можно е повеќе лица да се пријават од исто училиште), пополнете ја онлајн пријавата поставена на адреса:
или скенирајте го кодот со мобилен.
ВАЖНО: Сите новопријавени координатори ќе бидат поканети на онлајн ZOOM состанок.
