„На гладниот дај му риба и ќе го најадеш за еден ден. Научи го да лови и ќе биде сит цел живот!“
– Конфучиј
Во духот на оваа мудрост, Фондацијата Ѓорѓи Марјановиќ, во соработка со Министерството за труд и социјална работа и домот за деца без родители „11 Октомври“ и со помош на општествено одговорни компании и индивидуални донатори од земјата и странство, се обидува на децата без родители и родителска грижа да им даде шанса за подобра иднина обезбедувајќи им (користени) компјутери и обуки за англиски јазик и компјутери.
Доколку поседувате користен(и), но целосно функционален компјутер(и) кој повеќе не ви е потребен, ве покануваме да го донирате за оваа благородна цел. Исто така, можете да донирате и паричен износ по ваш избор. Собраните средства ќе бидат употребени за реализација на обуките.
Инструкции за донирање
- Проучете ги деталите на нашата веб страница*
- Доставете ни спецификација за опремата пополнувајќи го овој онлајн формулар
- Потпишете договор за донирање
- За финансиска донација кликнете на овој линк
* забелешка – за донирање компјутери од странство важат посебни правила
Со ваша помош, можеме да направиме голема разлика во животите на овие деца, овозможувајќи им еднакви можности за учење и развој.
Ако не можете да донирате, споделете ја оваа информација со вашите пријатели. Тоа исто така помага!
Во името на децата Ви благодариме однапред за вашата поддршка и придонес за нивна подобра иднина.
Фондација Ѓорѓи Марјановиќ
